له‌ سه‌یدسادق ئافره‌تێك هاوسه‌ره‌كه‌ی كوشت

18.04.2021
جەماوەر نیوز
له‌ راگه‌یه‌نراوێكدا پۆلیسی سلێمانی بڵاویكرده‌وه‌ مەفرەزەكانی بنكەی پۆلیسی حەساری سەربەبەشی پۆلیسی سەیدسادق ژنێكیان دەستگیركرد كە بە چەقۆ هاوسەرەكەی خۆی كوشتووە .
پاشنیوەڕۆی ئەمڕۆ پۆلیسی سەیدسادق ئاگاداركرایەوە لە بونی ڕوداوێكی كوشتن لەگەڕەكی فەرمانبەران لە قەزای سەیدسادق ، دەستبەجێ‌ هێزەكانی بنكەی پۆلیسی حەسار و تیمەكانی بەشی پۆلیسی بەڵگەی تاوان گەیشتنە شوێنی ڕوداوەكەو توانرا تۆمەتبار دەستگیربكرێت و دەستیش بگیرێت بەسەر ئەو چەقۆیەدا كە تاوانەكەی پێ ئەنجام دراوە .
لە ئێستادا تۆمەتبار (پ ، ح ،ح ) لەدایكبووی 1980 كە بكوژی هاوسەرەكەیەتی بە ناوی (س ، ع ، أ ) لەدایكبوی 1984 بەبڕیاری بەڕێز دادوەرو بەپێی ماددەی 406 لەیاسای سزادانی عیراقی ڕاگیراوەو دانی بە تاوانەكەیدا ناوە.